maji

KAZI ZA IDARA YA MAJI.

Idara ya maji Manispaa ya Ilemela ina kazi ya kuratibu na kusimamia maendeleo ya maji katika Manispaa ya Ilemela kwa baadhi ya maeneo ambayo hayajafikiwa na huduma ya maji inayotolewa na mamlaka ya maji Mwanza (MWAUWASA) kwa kufanya yafuatayo.

• Kusimamia utekelezaji wa miradi ya maji ya vijiji 10 ambayo inatekelezwa kitaifa, ambapo katika Manispaa ya Ilemela miradi hii inatekelezwa katika vijiji vya Kayenze, Sangabuye, Igogwe, Nyafula, Kabusungu, Kahama, Nyamadoke, Nyamwilolelwa na Igombe.

• Kusimamia Jumuiya za watumiaji maji kwa mujibu wa sera ya maji ya mwaka 2002 pamoja na sheria ya huduma ya maji na usafi wa mazingira ya mwaka 2009, ambapo pindi miradi hii ya maji inapokuwa imekamilika ukabidhiwa kwa wananchi kwa ajili ya uendeshaji, upanuzi na matengenezo.

• Kusimamia Jumuiya za watumiaji maji kwa mujibu wa sera ya maji ya mwaka 2002 pamoja na sheria ya huduma ya maji na usafi wa mazingira ya mwaka 2009, ambapo pindi miradi hii ya maji inapokuwa imekamilika ukabidhiwa kwa wananchi kwa ajili ya uendeshaji, upanuzi na matengenezo.

• Kusimamia visima vya maji vya Umma vilivyopo katika Manispaa ya Ilemela kwa kushirikiana na wananchi kupitia kamati za maji zinazosimamia vyanzo hivyo vya maji.

• Kushirikiana na mashirika mbalimbali ya kimataifa pamoja na Asasi za kiraia  katika utoaji wa huduma ya maji mashuleni na  jamii kwa ujumla.

• Kufanya vikao na wakandarasi wanaotekeleza miradi ya maji ya vijiji 10 kila mwezi ili kujadiliana masuala mbalimbali ya kiutekelezaji na maendeleo ya miradi.